(បាត់ដំបង) យោងតាមរបាយការណ៍ពីអាជ្ញាធរបានអោយដឹងថា÷ ឧបទ្ទវហេតុគ្រោះធម្មជាតិភ្លៀងធ្លាក់លាយឡំជាមួយខ្យល់កន្ត្រាក់នៅក្នុងភូមិសាស្ត្រស្រុកបាណន់ បានធ្វើអោយប៉ះពាល់ខូចខាតផ្ទះប្រជាពលរដ្ឋ និងដួលរលំដើមឈើអស់ជាច្រើនដើមផងដែរ។
ប្រភពដដែលបានបញ្ជាក់ថា ឧបទ្ទវហេតុគ្រោះធម្មជាតិខាងលើនេះបានកើតឡើងកាលពីវេលាម៉ោង ១៦និង០០នាទី ថ្ងៃទី២០ ខែសីហា ឆ្នាំ២០២៤ នៅក្នុងភូមិសាស្ត្រ ភូមិសំបួរមាស ឃុំស្នឹង ស្រុកបាណន់ ខេត្តបាត់ដំបង បណ្តាលអោយប៉ះពាល់ខូចខាតផ្ទះប្រជាពលរដ្ឋចំនួន ០៥ខ្នង និងដួលរលំដើមឈើជាច្រើនដើមផងដែរ។
សមត្ថកិច្ចបានបញ្ជាក់ទៀតថា ផ្ទះដែលរងការខូចខាតខាងលើសុទ្ធសឹងតែផ្ទះដែលសាងសង់អំពីឈើ ដំបូលប្រក់ស័ង្កសី ហើយករណីនេះមិនបណ្តាលអោយមានគ្រោះថ្នាក់ដល់មនុស្សឬសត្វឡើយ៕
